മലൈക്കോട്ടൈ വാലിബന്‍

സിനിമാട്ടോഗ്രഫിയിലും പശ്ചാത്തല സംഗീതത്തിലും ലോക സിനിമയുടെ മുന്നിൽ മലയാള സിനിമ വയസ്സറിയിക്കുന്ന കാഴ്ചയാണ് മലൈക്കോട്ടൈ വാലിബന്‍ എന്ന സിനിമ. കുറച്ച് നാളുകൾക്ക് ശേഷം മോഹൻലാൽ “അഭിനയിച്ചു” കണ്ട ഒരു ചിത്രം കൂടിയാണിത്. He is back എന്ന് നിസംശയം പറയാവുന്ന പ്രകടനം.

പല സിനിമകളിലും ചില ഷോട്ടുകൾ നമ്മൾ ജീവിതകാലം മുഴുവൻ ഓർത്തുവയ്ക്കാറുണ്ട്, പക്ഷെ ഒരു സിനിമ മുഴുവൻ അത്തരം ഷോട്ടുകൾ വരുന്നത് ആദ്യമായിട്ടാണ് കാണുന്നത്. അകിര കുറസോവയുടെ 7 സമുറായിയും Crouching Tiger, Hidden Dragon എന്ന ചൈനീസ് ചിത്രവുമാണ് മലൈക്കോട്ടൈ വാലിബന്‍ മനസിലേക്ക് കൊണ്ടുവരുന്നത്. പശ്ചാത്തല സംഗീതം നല്ല തിയേറ്ററിൽ തന്നെ അനുഭവിച്ചറിയണം.

ചിത്രത്തിന് നീളം കൂടുതലായി എനിക്ക് തോന്നി. പറങ്കി കോട്ടയിലെ സംഘട്ടനവും പാട്ടും ഉൾപ്പെടുന്ന മുഴുവൻ  സീനുകളും എഡിറ്റ് ചെയ്ത് മാറ്റിയിരുന്നെകിൽ ഈ സിനിമയുടെ കഥയുടെ കെട്ടുറപ്പ് കുറച്ചുകൂടി നന്നായേനെ. Just my thoughts..

എന്തായാലും ലോക സിനിമയ്ക്ക് മുന്നിൽ മലയാളത്തിന് അഭിമാനത്തോടെ തലയുയർത്തി പിടിക്കാൻ പറ്റിയ ഒന്നാണ് ഈ സിനിമ. തീയേറ്ററിൽ തന്നെ പോയി കാണണം. എല്ലാവർക്കും  ഇഷ്ടപ്പെടണം എന്നില്ല. ഇതിന്റെ രണ്ടാം ഭാഗം പൊളിക്കും എന്ന് മനസ് പറയുന്നു.