രണ്ടു സംഭവങ്ങൾ..

1. 2015 ലെ മെഡിസിൻ നോബൽ പ്രൈസ് കിട്ടിയതിൽ ഒരാൾ ചൈനക്കാരിയായ തു യൗ യൗ ആണ്. മലേറിയയ്ക്കുള്ള മരുന്ന് കണ്ടുപിടിച്ചതിനായിരുന്നു അവാർഡ്. തന്റെ രാജ്യത്ത് മലേറിയ കൊണ്ട് പൊറുതി മുട്ടിയ വിയറ്റ്നാമിലെ ഹോചിമിന്റെ അഭ്യർത്ഥന പ്രകാരം ചൈനയിലെ മാവോ സേതുങ് തുടങ്ങിയ പ്രൊജക്റ്റ് 523 ലെ അംഗം ആയിരുന്നു തു യൗ യൗ. ചൈനയിലെ പരന്പരാഗത വൈദ്യന്മാർ ഉപയോഗിച്ച് വന്ന ചില കുറിപ്പുകളും പുസ്തകങ്ങളും യൗ യൗ അരിച്ചു പെറുക്കിയപ്പോൾ മലേറിയയ്ക്കു നീലന്പാല (Artemisia absinthium : sweet wormwood) നല്ലതാണു എന്ന് പലയിടത്തും എഴുതി കണ്ടു. പക്ഷെ അത് പലർക്കും ഫലപ്രദം ആയിരുന്നില്ല. പിന്നീടുള്ള ഗവേഷണത്തിൽ പരന്പരാഗത വൈദ്യന്മാർ ചൂട് വെള്ളത്തിൽ ഇട്ടിട്ടു ഉപയോഗിക്കുന്പോൾ നിലന്പാലയിലെ മലേറിയയെ ചെറുക്കുന്ന മരുന്ന് നഷ്ടപ്പെടുന്നു എന്ന് യൗ യൗ കണ്ടെത്തി. ശാസ്ത്രീയമായ അനേകം പരീക്ഷണങ്ങൾക്ക് ഒടുവിൽ നിലന്പാലയിൽ നിന്ന് Artemisinin എന്ന മലേറിയയ്ക്കുള്ള മരുന്ന് യൗ യൗ കണ്ടുപിടിച്ചു. പരന്പരാഗത നിരീക്ഷണത്തെ ആധുനിക ശാസ്ത്രം ഉപയോഗിച്ച് മനുഷ്യ നന്മയ്ക്കു ഉപയോഗിച്ചതിലൂടെ കോടിക്കണക്കിനു മനുഷ്യ ജീവനുകളെ രക്ഷിക്കുകയും നോബൽ കിട്ടുന്ന ആദ്യ ചൈനീസ് വനിത ആവുകയും ചെയ്തു.